ಆದಿವಾಸಿಹಕ್ಕುಗಳ ಸಮನ್ವಯ ಸಮಿತಿ ಖಂಡನೆ;
ಕುತ್ಲೂರಿನಲ್ಲಿ ಆದಿವಾಸಿಗಳಾದ ನೀಲಯ್ಯ ಮಲೆಕುಡಿಯ, ಪ್ರವೀಣ, ವಿಶ್ವನಾಥ ಮತ್ತು ಹೊನ್ನಯ್ಯ ಅವರ ವಿರುದ್ದ ಪ್ರಕರಣ ದಾಖಲಿಸಿಕೊಂಡಿರುವ ವನ್ಯಜೀವಿ ಅರಣ್ಯ ಇಲಾಖೆಯ ಅಧಿಕಾರಿಗಳು ಈ ಪೈಕಿ ನೀಲಯ್ಯ ಮಲೆಕುಡಿಯ ಅವರನ್ನು ಬಂಧಿಸಿದ್ದರು. ಆದರೆ ತಕ್ಷಣ ನ್ಯಾಯಾಲಯಕ್ಕೆ ಜಾಮೀನು ಅರ್ಜಿ ಸಲ್ಲಿಸಿದ ನ್ಯಾಯವಾದಿ, ಸಿಪಿಐಎಂ ಮುಖಂಡ ಶಿವಕುಮಾರ್ ಎಂ.ಎಸ್ ಅವರು ವಾದ ಮಂಡಿಸಿ ಅವರಿಗೆ ಜಾಮೀನು ಮಂಜೂರುಮಾಡಿಸುವಲ್ಲಿ ಸಫಲರಾಗಿದ್ದಾರೆ.
ಅರಣ್ಯ ಹಕ್ಕು ಕಾಯ್ದೆಯಡಿ ಕುದುರೆಮುಖ ರಾಷ್ಟ್ರೀಯ ಉದ್ಯಾನವನದೊಳಗೆ ಅರಣ್ಯ ಮತ್ತು ವನ್ಯಜೀವಿಗಳಿಗೆ ತೊಂದರೆಯಾಗದ ರೀತಿಯಲ್ಲಿ, ತಮ್ಮ‌ಮೂಲಭೂತ ಹಕ್ಕಾದ ಇದ್ದ ರಸ್ತೆಯನ್ನು ದುರಸ್ಥಿ ಮಾಡಲು ಕಾನೂನಿನಲ್ಲಿ ಅವಕಾಶವಿದ್ದರೂ ಅರಣ್ಯ ಅಧಿಕಾರಿಗಳ ನಡೆ ಅರಣ್ಯ ವಾಸಿಗಳಲ್ಲಿ ಆಕ್ರೋಶ ತಂದಿದೆ.
ಒಂದೆಡೆ ಶಾಸಕ ಹರೀಶ್ ಪೂಂಜ ಅವರು ಬೆಂಗಳೂರು ಮಟ್ಟದಲ್ಲಿ ಪ್ರಯತ್ನಿಸಿ ರಾಷ್ಟ್ರೀಯ ಉದ್ಯಾನವನದೊಳಗೇ ಬರುವ ದಿಡುಪೆ- ಸಂಸ್ಥೆ ರಸ್ತೆಯನ್ನು ಅಭಿವೃದ್ಧಿ ಪಡಿಸಲು ಸರ್ವೇ ಕಾರ್ಯಕ್ಕೆ ಸರಕಾರಸಿಂದ ಸಂಬಂಧಪಟ್ಟ ಇಲಾಖೆಗೆ ಆದೇಶಿಸಿದ್ದಾರೆ. ಆದರೆ ಇನ್ನೊಂದೆಡೆ ಅರಣ್ಯ ಅಧಿಮಾರಿಗಳು ಉದ್ಯಾನವನ ನಿವಾಸಿಗಳ ಮೇಲೆ ಕೇಸು ಜಡಿಯುವ ಮೂಲಕ ಇಬ್ಬಗೆ ನೀತಿ ಅನುಸರಿಸಿದ್ದಾರೆ. ಇದು ತರವಲ್ಲ ಎಂಬುದು ಆದಿವಾಸಿಗಳ ಕೂಗು.