ಯುವ ಬ್ರಿಗೇಡ್ ಸಂಸ್ಥಾಪಕ ಚಕ್ರವರ್ತಿ ಸೂಲಿಬೆಲೆ ಉದ್ಘಾಟನೆ ಗೊಳಿಸಿದರು.
ಸಮಾರಂಭದ ಅಧ್ಯಕ್ಷತೆಯನ್ನು ಶಾಸಕ ಹರೀಶ್ ಪೂಂಜಾ ವಹಿಸಿದ್ದರು. ಆರ್‌ಎಸ್‌ಎಸ್ ನಮಗೆ ನೀಡಿದ ಚಿಂತನೆಯಂತೆ ಸ್ವಂತಕ್ಕೆ ಸ್ವಲ್ಪ ಸಮಾಜಕ್ಕೆ ಸರ್ವಸ್ವ ಎಂಬ ತತ್ವದಡಿ ರಾಜೇಶ್ ಪೈ ಮತ್ತು ಮೋಹನ್ ಕುಮಾರ್ ಅವರು ಜೋಡೆತ್ತುಗಳಾಗಿ ಇಲ್ಲಿ ಇಡೀ ದೇಶ- ಜಗತ್ತಿಗೆ ಪ್ರೇರಣೆಯಾಗುವ ರೀತಿಯಲ್ಲಿ ಕೆಲಸ ಮಾಡಿದ್ದಾರೆ. ಗೋವು ಮತ್ತು ಕೃಷಿಯನ್ನು ಆಧರಿಸಿ ನಮ್ಮ ಬದುಕು ಮುನ್ನಡೆಯುವ ಚಿಂತನೆ ಎಲ್ಲರ ಮನದಲ್ಲಿ ಮೂಡಿದರೆ ಮಾತ್ರ ಪರಿವರ್ತನೆ ಸಾಧ್ಯ. ಅದಕ್ಕೆ ಪ್ರೇರಣೆ ನೀಡಲು ಸೂಲಿಬೆಲೆ ಅವರನ್ನು ಇಲ್ಲಿ ಕರೆಸಿದ್ದೇವೆ. ಈ ತಾಲೂಕಿನ ಸಮಗ್ರ ಅಭಿವೃದ್ಧಿಗೆ ನೆರೆಯೂ ಒಂದು ಕಾರಣವಾಗಿದೆ. ಅಂದು ಒಬ್ಬಂಟಿಯಾಗಿ ರಾಜ್ಯ ತಿರುಗಾಡಿದ ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ಕುಕ್ಕಾವಿಗೆ ಬಂದಿದ್ದಾಗ ಇಡೀ ರಾಜ್ಯಕ್ಕೇ ಅನ್ವಯವಾಗುವಂತೆ, ನೆರೆಯಲ್ಲಿ ಮನೆ ಕಳೆದುಕೊಂಡಿರುವವರಿಗೆ 5 ಲಕ್ಷ ರೂ. ಪರಿಹಾರ ಕೊಡುವುದಾಗಿ ಘೋಷಿಸಿದ್ದರು. ಆ ಮೊತ್ತ ಇಲ್ಲಿನ ಫಲಾನುಭವಿಗಳಿಗೂ ಬಂದಿದೆ. ಅವರು ನೆರೆಯ ಕಾರಣಕ್ಕಾಗಿ ನಮ್ಮ ತಾಲೂಕಿಗೆ 500 ರಿಂದ 600 ಕೋಟಿ ರೂ. ಹೆಚ್ಚುವರಿಯಾಗಿ ಅನುದಾನ ಒದಗಿಸಿಕೊಟ್ಟಿದ್ದಾರೆ. ದಾನಿಗಳ ತಂಡ ಕಟ್ಟಿ "ಕಾಳಜಿ ರಿಲೀಫ್ ಫಂಡ್" ಕೊಟ್ಟ ಏಕೈಕ ತಾಲೂಕು ಬೆಳ್ತಂಗಡಿ. ಕೊಳಂಬೆಯ ಮಂದಿ ತಮ್ಮ‌ಮನೆಗಳಲ್ಲಿ ಪ್ರತಿದಿನ ದೇವರಿಗೆ ದೀಪ ಇಡುವಾದ ರಾಜೇಶ್ ಪೈ ಮತ್ತು ಮೋಹನ್ ಕುಮಾರ್ ಸಹೋದರರಿಗೆ ಪ್ರಾರ್ಥನೆ ಸಲ್ಲಿಸಬೇಕು. ಆಗ ಅವರಿಗೆ ಇನ್ನಷ್ಟು ಸೇವಾ ಮನೋಶಕ್ತಿ ಬಂದು ಆ ಮೂಲಕ ತಾಲೂಕಿಗೇ ಶಕ್ತಿ ದೊರೆಯುತ್ತದೆ ಎಂದರು. ಈ ಇಬ್ಬರೂ ಸಹೋದರರು ಮಾಡಿದ ಸೇವೆಗಾಗಿ ಇಡೀ ತಾಲೂಕಿನ ಜನತೆಯ ಪರವಾಗಿ ನಾನು ಅವರನ್ನು ಅಭಿನಂದಿಸುತ್ತೇನೆ ಎಂದರು. ಅತಿಥಿಗಳಾಗಿದ್ದ ಆರ್‌ಎಸ್‌ಎಸ್ ದಕ್ಷಿಣ ಪ್ರಾಂತ ಸೇವಾ ಪ್ರಮುಖ್ ಸುಬ್ರಾಯ ನಂದೋಡಿ ಶುಭಕೋರಿದರು.
ಪ್ರಾಸ್ತಾವಿಕವಾಗಿ ಮಾತನಾಡಿದ ಬದುಕು ಕಟ್ಟೋಣ ತಂಡದ ಸಂಚಾಲಕ ಮೋಹನ್ ಕುಮಾರ್, ಸೇವೆಗಾಗಿ ಇಲ್ಲಿ‌ಕೆಲಸ ಆರಂಭಿಸಿದಾಗ ನಮಗೆ ಅನೇಕ ಟೀಕೆಗಳು ಎದುರಾದವು. ಆದರೆ ಅದೆಲ್ಲವನ್ನೂ ಮೆಟ್ಟಿ ನಿಂತು ಇಲ್ಲಿನ ಕುಟುಂಬಗಳ ಬದುಕು ಕಟ್ಟುವಲ್ಲಿ ನಮ್ಮದೇ ಆದ ಸೇವೆ ನೀಡಿದ್ದೇವೆ. ಇದಕ್ಕಾಗಿ ನಮ್ಮ ಜೊತೆ ಕೈ ಜೋಡಿಸಿದ ಶಾಸಕರು, ಸಂಘ ಸಂಸ್ಥೆಯವರು ಹಾಗೂ ದಾನಿಗಳು, ಜೊತೆಗೆ ಸಾವಿರಾರು ಸ್ವಯಂಸೇವಕರು ಅಭಿನಂದನಾರ್ಹರು ಎಂದರು. ಕಾರ್ಯಕ್ರಮದ ವೇದಿಕೆಯಲ್ಲಿ ಅಳವಡಿಸಿದ್ದ ಡಿಜಿಟಲ್ ಪರದೆಯಲ್ಲಿ ಯು ಪ್ಲಸ್ ಸಂಯೋಜಿಸಿದ ಕೊಳಂಬೆಯ ಅಂದಿನ ನೆರೆ ಮತ್ತು ಆ ಬಳಕದ ಕ್ರಾಂತಿ‌ವರೆಗಿನ ವೀಡಿಯೋ ಡಾಕ್ಯುಮೆಂಟರಿ ಪ್ರದರ್ಶಿಸಲಾಯಿತು.ಅದನ್ನು ವೀಕ್ಷಿಸಿದ ಸಭೆಯಲ್ಲಿದ್ದ ಮಂದಿಯ ಕಣ್ಣಾಲಿಗಳು ತೇವಗೊಂಡವು.
ಸನ್ಮಾನ;
ಕೊಳಂಬೆ ಮರು ನಿರ್ಮಾಣದಲ್ಲಿ ಸಹಕಾರಿಯಾದ ಡಿ.ಎಂ.ಸಿ ಕಂಸ್ಟ್ರಕ್ಷನ್ಸ್ ವಿಭಾಗದ ಇಂಜಿನಿಯರ್ ಯಶೋಧರ ಪೂಜಾರಿ, ಸಿವಿಲ್ ಗುತ್ತಿಗೆದಾರ ಅಂಬರೀಶ್ ಬೆಳ್ತಂಗಡಿ, ಮೇಸ್ತ್ರಿ ಗಣೇಶ್ ಕುಲಾಲ್, ಪೈಂಟರ್ ಪ್ರತೀಕ್ ನಾಯ್ಕ ಇವರನ್ನು ಸನ್ಮಾನಿಸಲಾಯಿತು.
ಬದುಕು ಕಟ್ಟೋಣ ತಂಡದಿಂದ ಸೂಲಿಬೆಲೆ ಮತ್ತು ಶಾಸಕರನ್ನು ಗೌರವಿಸಲಾಯಿತು. ಕೊಳಂಬೆ ನಾಗರಿಕರ ಪರವಾಗಿ ಶಾಸಕ ಹರೀಶ್ ಪೂಂಜ, ಬದುಕು ಕಟ್ಟೋಣ ಬನ್ನಿ ತಂಡದ ಮುಖ್ಯಸ್ಥರಾದ ರಾಜೇಶ್ ಪೈ ಮತ್ತು ಮೋಹನ್ ಕುಮಾರ್ ಅವರನ್ನು ಸನ್ಮಾನಿಸಲಾಯಿತು. ಅಲ್ಲದೆ ಎಂ ಶಶಿಧರ ಕಲ್ಮಂಜ, ಶ್ರೀಧರ ಮರಕಡ, ತಿಮ್ಮಪ್ಪ ನಾಯ್ಕ, ಶ್ರೀಧರ ಕಲ್ಮಂಜ ಮತ್ತು ರಾಘವೇಂದ್ರ ಕಲ್ಮಂಜ ಅವರನ್ನು ಗುರುತಿಸಲಾಯಿತು. ಸಂಘ ಸಂಸ್ಥೆಗಳ ಪ್ರತಿನಿಧಿಗಳಿಗೆ ಸ್ಮರಣಿಕೆ ನೀಡಲಾಯಿತು.
ಚಾರ್ಮಾಡಿ ಗ್ರಾ.ಪಂ ಪಿಡಿಒ ಪ್ರಕಾಶ್ ಶೆಟ್ಟಿ ನೊಚ್ಚ ಸ್ವಾಗತಿಸಿದರು. ಸಿರಿ ಗ್ರಾಮೋದ್ಯೋಗ ಸಂಸ್ಥೆಯ ಎಂ.ಡಿ ಜನಾರ್ದನ ಅವರು ಹೆಗ್ಗಡೆಯವರ ಸಂದೇಶ ವಾಚಿಸಿದರು.
ಬದುಕು ಕಟ್ಟೋಣ ಬನ್ನಿ ತಂಡದ ಇನ್ನೋರ್ವ ಸಂಚಾಲಕ ರಾಜೇಶ್ ಪೈ ವಂದನಾರ್ಪಣೆಗೈದರು. ಸ್ಮಿತೇಶ್ ಎಸ್ ಬಾರ್ಯ, ತಿಮ್ಮಯ್ಯ ನಾಯ್ಕ ಕಾರ್ಯಕ್ರಮ ನಿರೂಪಿಸಿದರು.
ಸಮಾರಂಭದ ಅಂಗವಾಗಿ ಶನಿವಾರ ರಾತ್ರಿಯೇ ಎಲ್ಲ ಮನೆಗಳ ವಾಸ್ತು ಹೋಮ ಸೇರಿದಂತೆ ಧಾರ್ಮಿಕ ವಿಧಿಗಳು ಆರಂಭವಾದವು. ಮಧ್ಯಾಹ್ನ2500 ರಷ್ಟು ಮಂದಿಗೆ ಊಟದ ವ್ಯವಸ್ಥೆ ಮಾಡಲಾಗಿತ್ತು.
----
ವರದಿ; ಅಚ್ಚು ಮುಂಡಾಜೆ
9449640130