ಬೆಳ್ತಂಗಡಿ; ಉಜಿರೆ ಖಾಸಗಿ ಕಾಲೇಜಿನಲ್ಲಿ ದ್ವಿತೀಯ ಪಿಯುಸಿ ವಿದ್ಯಾಭ್ಯಾಸ ಮುಗಿಸಿ ಮನೆಯಲ್ಲಿಯೇ ಇದ್ದುಕೊಂಡು ಸಿಇಟಿ ಪರೀಕ್ಷೆಯ ಬಗ್ಗೆ ತಯಾರು ನಡೆಸುತ್ತಿದ್ದ ಯುವತಿಯೊಬ್ಬಳು ಆ. 6 ರಂದು ಬೆಳಗ್ಗಿನಿಂದ ನಾಪತ್ತೆಯಾದ ಘಟನೆ ಬೆಳ್ತಂಗಡಿಯಲ್ಲಿ ನಡೆದಿದೆ.
ಹೀಗೇ ಕಾಣೆಯಾಗಿರುವಾಕೆಯನ್ನು ಬೆಳ್ತಂಗಡಿ ಚರ್ಚ್ ಕ್ರಾಸ್, ಸಿವಿಸಿ ಹಾಲ್ ಪಕ್ಕದ ನಿವಾಸಿನಿ ಆಸೀನಾ ತೋಮಸ್(18ವ.) ಎಂಬವರೆಂದು ಗುರುತಿಸಲಾಗಿದೆ. ಈ ಸಂಬಂಧ ಅವರ ತಾಯಿ ಮೋಳಿ ಸೋಬಿನ್ ಅವರು ಬೆಳ್ತಂಗಡಿ ಠಾಣೆಗೆ ದೂರು ನೀಡಿದ್ದಾರೆ.
ಪ್ರಿಯಕರನ ಜೊತೆ ಓಡಿಹೋಗಿರುವ ಶಂಕೆ;
ಕಲಿಕೆಯ ಮಧ್ಯೆ ಆಕೆಯು ಬೆದ್ರಬೆಟ್ಟು ಎಂಬಲ್ಲಿಯ ಹುಡುಗನನ್ನು ಪ್ರೀತಿಸುತ್ತಿದ್ದು ಆತನೊಂದಿಗೆ ತುಂಬಾ ಸಲುಗೆಯಿಂದ ಇರುತ್ತಿದ್ದವಳು ಆತನ ಜೊತೆಗೇ ಓಡಿಹೋಗಿರುವ ಸಾಧ್ಯತೆ ಇದೆ ಎಂದು ಆಕೆಯ ತಾಯಿ ನೀಡಿದ ದೂರಿನಲ್ಲಿ ಸಂದೇಹ ವ್ಯಕ್ತಪಡಿಸಿದ್ದಾರೆ. ಆಕೆ ಬೆಳಿಗ್ಗೆ 5.30 ರಿಂದ 7.30 ರ ಮಧ್ಯ ಅವಧಿಯಲ್ಲಿ ಮನೆಯಿಂದ ಹೊರಹೋದವಳು ವಾಪಾಸು ಮನೆಗೆ ಬಂದಿಲ್ಲ ಎಂದೂ ತಿಳಿಸಿದ್ದಾರೆ.