ಬೆಳ್ತಂಗಡಿ ಯಲ್ಲಿ ಬಿಜೆಪಿ ಮಂಡಲದ‌ ಕಾರ್ಯಕಾರಿಣಿಗೆ ಚಾಲನೆ

ಬೆಳ್ತಂಗಡಿ: ತಾ.ಪಂ ಮತ್ತು ಜಿ‌.ಪಂ ಚುನಾವಣೆಗಳು ಸಮೀಪಿಸುತ್ತಿರುವಂತೆಯೇ ಬಿಜೆಪಿ ಈಗಲೇ ಎಲ್ಲಾ ರೀತಿಯ ಸಿದ್ಧತೆಗಳನ್ನು ನಡೆಸಿಕೊಳ್ಳಲಾರಂಭಿಸಿದೆ. ಅಲ್ಲಲ್ಲಿ ಕ್ಷೇತ್ರವಾರು ಅಭ್ಯಾಸ ವರ್ಗಗಳೂ ನಡೆಯುತ್ತಿದ್ದು, ಮಂಗಳವಾರ ಬೆಳ್ತಂಗಡಿ ಎಸ್.ಡಿ.ಎಂ ಸಭಾಂಗಣದಲ್ಲಿ ತಾಲೂಕು ಬಿಜೆಪಿ ಮಂಡಲದ ಕಾರ್ಯಕಾರಿಣಿ ಸಭೆ ಉದ್ಘಾಟನೆಗೊಂಡಿತು.

ಅಧ್ಯಕ್ಷತೆಯನ್ನು ಮಂಡಲದ ಅಧ್ಯಕ್ಷ, ತಾ.ಪಂ ಸ್ಥಾಯಿ ಸಮಿತಿ ಮಾಜಿ ಅಧ್ಯಕ್ಷ ಜಯಂತ ಕೋಟ್ಯಾನ್ ಮರೋಡಿ ವಹಿಸಿದ್ದರು.

ಉದ್ಘಾಟನೆಯನ್ನು ಕ್ಯೂನಿಕ್ಸ್ ಅಧ್ಯಕ್ಷರೂ ಆಗಿರುವ ಬೆಳ್ತಂಗಡಿ ಮಂಡಲದ‌ ವೀಕ್ಷಕ ಹರಿಕೃಷ್ಣ ಬಂಟ್ವಾಳ್, ಶಾಸಕ ಹರೀಶ್ ಪೂಂಜ, ವಿಧಾನ ಪರಿಷತ್ ಶಾಸಕ ಪ್ರತಾಪಸಿಂಹ ನಾಯಕ್ ನೆರವೇರಿಸಿದರು.

ವೇದಿಕೆಯಲ್ಲಿ ಪಕ್ಷದ ಜಿಲ್ಲಾ, ತಾಲೂಕು ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಉದ್ಘಾಟನಾ ಕಲಾಪದ ನಂತರ ಪಕ್ಷದ ವಿವಿಧ ಘಟಕಗಳಿಂದ ಕಾರ್ಯಚಟುವಟಿಕೆ ವರದಿ ಹಾಗೂ ಚಿಂತನ ಮಂಥನ, ಕಾರ್ಯಾಗಾರ ಮುಂದುವರಿಯಿತು.