ಬೆಳ್ತಂಗಡಿ: ಎರಡು ವಾರಗಳ ಹಿಂದೆ ತಾಲೂಕಿನ ಗರ್ಡಾಡಿ ಎಂಬಲ್ಲಿನ ಹೊಳೆ ಮತ್ತು ಇತರೆಡೆ ನದಿಯಲ್ಲಿ ಕಂಡು ಬಂದಿದ್ದ ನೀರು ನಾಯಿಗಳ ಹಿಂಡು ಇದೀಗ ಬಂದಾರು ಹೊಳೆಯಲ್ಲಿ ಮತ್ತೆ ಪ್ರತ್ಯಕ್ಷವಾಗಿದೆ.
ಬಂದಾರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಮೈರೋಳ್ತಡ್ಕ- ಪುತ್ತಿಲ ಸಮೀಪವಿರುವ ನದಿಯಲ್ಲಿ ನಾಯಿಗಳ ಗುಂಪು ಕಾಣಸಿಕ್ಕಿದೆ.
ಅವುಗಳು ನದಿಯಲ್ಲಿ ಮೀನುಗಳನ್ನು ಭೇಟೆಯಾಡುತ್ತಾ ಈಜಿ ಸಾಗುತ್ತಿರುವ ದೃಶ್ಯವನ್ನು ಜನತೆ ಕಂಡಿದ್ದು, ಆಶ್ಚರ್ಯಗೊಂಡಿದ್ದಾರೆ.
ಇದೊಂದು ಜಾತಿಯ ಪ್ರಾಣಿಯಾಗಿದ್ದು, ಇದು ಮೀನಿನ ಭೇಟೆಗಾಗಿ ಈ ಸಮಯದಲ್ಲಿ ಕಂಡು ಬರುತ್ತಿದ್ದು,ಮನುಷ್ಯರಿಗೆ ಯಾವುದೇ ತೊಂದರೆ ಉಂಟು ಮಾಡುವುದಿಲ್ಲ ಎಂದು ವನ್ಯಜೀವಿ ವಿಭಾಗದವರು ಮಾಹಿತಿ ನೀಡುತ್ತಾರೆ.